Primeiru-Ministru, Marí Alkatiri, ko'alia ba jornalista sira hafoin hasoru Prezidente Repúblika, Francisco Guterres Lú Olo, iha Palásiu Prezidente Nicolau Lobato Bairo Pité, ohin. Foto mídia PR

DILI (TATOLI)—Primeiru Ministru Mari Alkatiri afirma funsionamentu Governu da hitu la’o normal, maski nia (Mari Alkatiri) partisipa iha kampaña polítika hosi Partidu Frente Revolusionáriu do Timor Leste Independente (Fretilín).

Xefe Governu Bloku Koligasaun hosi Partidu Fretilín ho Partidu  Demokrátiku hato’o asuntu ne’e hafoin relata funsionamentu Governu ba Presidente Repúblika, Francisco Guterres Lú Olo, iha Palásiu Prezidensiál Bairru Pité Dili, Ohin.

Actual sekretáriu jerál Fretilín ne’e, akresenta to’o oras ne’e nia sei asume kargu no hala’o Primeiru Ministru nian.

“Ha’u Primeiru Ministru nafatin, semana ida pelo menus loron ida to’o rua, Ha’u iha Dili hodi halo servisu,” Mari esplika.
Primeiru Ministru, Marí Alkatiri soru-mutu ho Prezidente Repúblika, Francisco Guterres Lú Olo. Imajen Mídia Gabinete PM.

Hodi aprezenta faktu balun ne’ebé justifika funsionamentu governu nian, normal. Ezemplu; prosesu pagamentus ba saláriu funsionáriu, veteranus, la’o normal.

ʺSe mak dehan Governu lala’o,? Se mak la simu saláriu no veteranus ida ne’ebé maka la simu osan, eletrisidade iha ga laiha,ʺ Alkatiri husu.

Entretantu Iha sorumutu, Xefe Governu ho Prezidente Repúblika, objetivu mak, Primeiru Ministru informa kona-ba situasaun jerál prosesu kampaíña ba Prezidente Repúblika.

“Situasaun la’o hakmatek tanba laiha insidente durante prosesu kampaña. Prezidente Repúblika hakarak hatene situasaun jerál, tanba too agora la rejista iha problemas, laiha violénsia,” nia hato’o.

Jornalista: Agapito dos Santos

Editór : Manuel Pinto

HAKEREK NO HATÁN

Please enter your comment!
Please enter your name here