Linguajen Polítika. Ilustrasaun

DILI, (TATOLI) – Observadór polítika hosi Universidade Nasionál Timor Lorosa’e (UNTL), Vitor Soares, observa katak linguajen polítika iha kampaña eleitorál husi partidu polítiku sira bele ‘tuun no sa’e’ maibé importante mak tenke hakmatek.

“Husi parte étika laduun iha, maibé ita labele taka fali ema atu ko’alia, husu ba joven no inan-aman sira hakmatek”, dehan nia ba jornalista sira iha Balide, ohin.

Vitor husu ba joven sira atu labele hetan influénsia hosi lider politiku sira nian deklarasaun politika iha kampaña eleitorál.

“Linguajen polítika ne’e normál, tensaun bele sa’e, bele tuun”, reforsa dosente Fakuldade Siénsia Sosiál, UNTL ne’e.

Observasaun jerál kona-ba kampaña eleitorál, tuir nia haree buat hotu la’o di’ak tanba ema hotu nia kontribuisaun.

“Hothotu manten nafatin pás no estabilidade bele la’o to’o dia 9, pois dia 12 maiu ita ba vota ne’ebé di’ak ba ita hotu, ba nasaun no mundu”, katak tan.

Jornalista: Rafy Belo

Editora: Rita Almeida

HAKEREK NO HATÁN

Please enter your comment!
Please enter your name here