Logotipu UNITAL. Imajen/Espesiál

DILI (TATOLI)—Dekanu Fakuldade Ekonomia, Universidade Orientál Timor Lorosa’e [UNITAL] husu ba judisiáriu na’in 120 atu responsabiliza matéria sira ne’ebé hetan iha aula, durante prosesu aprendizajen hodi kontribui ba dezenvolvimentu Timor-Leste, tuir ida idak nia área.

“Ami-nia lia menon ba sira, buat ne’ebé durante ami hanorin, ohin hotu, ba responsabiliza didi’ak matéria sira ne’ebé hetan durante ne’e,” dekanu Rui Ornai Queiroz fó mensajen, iha kampus UNITAL, Bekora-Díli, ohin, iha ámbitu judísiu ba da-lima ba judisiáriu sira.

Judisiáriu 120 ne’e kompostu husi departamentu Jestaun Jerál, Akuntabilidade, EDE [Estudo Dezenvolvimentu] no Jestaun Turístika.

Nia mós husu ba judisiáriu ne’e katak aproveita koñesimentu no esperiénsia sira ne’ebé aprende ona iha estabelesimentu ensinu ne’e hodi ajuda dezenvolve ita-nia rain.

“Ba departamentu haat ne’e, departamentu mós la hanesan, jestaun jerál haree liu ba administrasaun, Finansa no oinsá sai manager [jestór] di’ak, ED ne’e aprende liu ba iha dezenvolvimentu, akuntabilidade konaba akuntansia nó mós turístika sira aprende kona-ba turizmu no promove objetu turizmu no fatin turizmu,” nia esplika.

Judisiáriu ida, Lúcia dos Santos ba Ajénsia TATOLI hateten, durante tinan haat mezmu hasoru difikuldade no dosente sira ho karakter oioin maibé ho korajen no la ta’uk hodi esforsu aan hodi remata estudu, nune’e bele fó kontente ba inan-aman.“Ami sente kontente tebes,” apresia judisiáriu Jestaun Jerál, husi Munisípiu Bobonaro ne’e.

Matéria sira ne’ebé hetan durante iha universidade, bainhira iha oportunidade prontu atu kontribui.

“Walaupun serbisu ami la hetan, ami koko, ho sertifikadu ne’ebé ami hetan ami tenke apply [konkore] iha ne’ebé de’it,” garante Lúcia dos Santos.

Reprezentante inan-aman, Carlito Taroman iha marjen judísiu ne’e aprezenta mós poema ida ho títulu, inan nia matabeen, reflete mai husi inan nia esforsu ba oan sira-nia futuru liuhusi atividade negósiu.

Jornalista: Rafy Belo

Editór : Manuel Pinto

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here