Foto espesiál

Husi: 

Elisa dos Santos, Sobrevivente 99 Likisa

Komemorasaun tinan 19, Masakre Likisa

5-6 Abril 2018: Seidauk iha Akuntabilidade ba Justisa Pasadu

Komemorasaun tinan 19 masakre Igreja Likisa, hanesan masakre ida husi masakre sira seluk ne’ebé akontese iha Timor-Leste durante tinan 1999 hodi rezulta Timoroan barak lakon sira-nia vida no husik hela ema ne’ebé sira hadomi no ami sira ne’ebé sira husik hela, sei nafatin kontinua moris iha kondisaun inserteja nia laran. Sira-nia mate tanba hakarak hodi anin liberdade nian mai povu no nasaun Timor-Leste. Sira-nia mate la saugati, maibé sira-nia mate atu hakotu sofrementu no injustisa ne’ebé povu Timoroan sira hasoru durante tinan 24 okupasaun ilegál husi militár rejime Soeharto nian.

Tanba ne’e, atu valoriza no fó onra ba sira-nia mate, liuhusi komemorasaun ba dala 19 ne’e, ami família vítima no sobrevivente sira rekomenda:

  1. Husu ba Parlamentu Nasionál lejislatura tuir mai, no ema hotu atu halo servisu maka’as iha instituisaun estadu nian sira hotu, ho nune’e de’it mak ita sira sei moris bele deginifika suadozo sira-nia sofrementu;
  2. Husu ba intelektuál Likisa-oan sira, atu hahú ona hakarek istória masakre Likisa nian;
  3. Husu ba Polítiku na’in sira hotu, atu fó prioridade ba prosesu justisa no akuntabilidade ba masakre Likisa hodi muda ema nia konsintimentu. Tanba ho justisa mak bele hakman vítima no sobreviventi sira-nia sofrementu;
  4. Husu ba Governasaun foun, atu adopta relatóriu Chegaiha kúrikulu nasionál;
  5. Husu ba ema hothotu, atu fó solidaridade no respeita ba vítima no sobrevivente sira;
  6. Husu ba autór istória sira, idaidak bele hahú hakerek idaidak ninia istória rasik;
  7. Husu ba governasaun foun tuir mai, labele transforma sítiu istória sira.

(*)

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here