Eis Prezidente Autoridade RAEOA, Marí Alkatiri

DILI, (TATOLI) – Primeiru Ministru (PM), Marí Alkatiri, semana ne’e nia rohan hahú la tama serbisu tanba prepara án ba kampaña eleisaun antesipada ne’ebé sei hala’o iha semana oin.

“Iha finda semana ida ne’e ha’u sei ba deskansa atu prepara ha’u nia án ba kampaña eleisaun antesipada tanba loron kampaña besik ona. Hotu-hotu hatene katak iha kampaña ida ne’e forsa rua (FRETILIN no AMP) maka sei hasoru malu”, Marí hato’o ba jornalista sira iha Palásiu Prezidente Nicolau Lobato, Bairru Pité, kuarta ne’e, hafoin enkontru ho Prezidente Repúblika, Francisco Guterres Lú Olo.

Serbisu Governu nian, nia esplika sei la’o nafatin tanba Governu só hapara ninia serbisu bainhira Governu foun tama ona.

Nia hatutan kargu Primeiru-Ministru nia sei la fó ba ema ida atu asumi provizóriu tanba nia halo kampaña iha Timor laran de’it no karik foti desizaun ruma ba asuntu importante nia bele tún mai foti desizaun.

“Ha’u la entrega ha’u nia kargu ba ema seluk. Lei la dehan kargu Primeiru-Ministu tenke entrega ba ema seluk bainhira atu halo kampaña. Lei só bandu bainhira ba halo kampaña labele tún hanesan Primeiru-Ministru no labele utiliza sasán Estadu ba interese kampaña”, afirma.

Jornalista: Xisto Freitas

Editora: Rita Almeida

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here