DILI, (TATOLI) – Sekretáriu Estadu Juventude no Traballu, Nivio Magalhães, hateten sei husu lisensa ba Primeiru-Ministru, Marí Alkatiri, hodi partisipa iha periodu kampaña eleisaun antesipada ne’ebé hahú iha loron 10 abril 2018.
ʺHa’u maihosi partidu tanba ne’e sei foti lisensa bele partisipa iha kampaña ba ha’u nia partiduʺ, dehan governante iha Kaikoli, ohin.
Maibé nia dehan sei esforsu atu hala’o kna’ar balun iha SEJT durante periodu kampaña molok termina mandatu.
ʺHa’u sei haree tempu didiak hodi kontinua hala’o ha’u nia dever no responsabilidade to’o mandatu ikusʺ, tenik.
Tuir lei organika governu hateten bele delega kompoténsia ba membru governu seluk bainhira husu lisensa, viajen rai liur no falta servisu.
ʺHa’u sei haree membru governu seluk ne’ebé disponivel bele hala’o servisu ne’e provizóriuʺ, realsa.
Jornalista: Agapito dos Santos
Editora: Rita Almeida
