Enkontru Konsellu Ministru. Foto GPM

DILI, (TATOLI) – Governu liuhosi reuniaun Konsellu Ministru, kuarta ne’e aprova proposta dekretu lei estabelesmentu rejistu nasionál ba naviu iha Timor-Leste hodi garante direitu no seguransa naviu iha tasi.

Dekretu ne’e aprejenta hosi Vise Ministru ba Dezenvolvimentu Transporte no Komunikasaun, Inácio Freitas Moreira.

ʺAprova proposta dekretu lei ida ne’ebé atu estabelese rejistu nasionál ba naviu iha Timor-Lesteʺ, dehan Sekretáriu Estadu Konsellu Ministru no Komunikasaun Sosiál, Matias Boavida.

Dekretu ne’e la’o tuir lei no ratifikasaun konvensaun internasionál hodi garante diretu no seguransa naviu iha tasi, tanba to’o ohin seidauk halo rejistu ba transporte sira iha tasi.

Alende ne’e governante ne’e hatutan aprova mós proposta dekretu lei kona-ba instituisaun ne’ebé servisu ba naviu hodi halo servisu hanesan prevensaun ba asidente marítima no promove seguransa ba sidadaun ne’ebé uza transporte tasi.

Nune’e mós aprova proposta rezolusaun hosi ministériu finansa kona-ba subvensaun ba kandidatu Prezidente Repúblika iha eleisaun prezidensiál 2017.

Jornalista: Agapito dos Santos

Editora: Rita Almeida

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here