EU TL Cooperation Logo draft

DÍLI, (TATOLI)-Uniaun Europeia liuhusi nia delegasaun iha Timor-Leste [TL], lidera husi embaixadór Alexandre Leitão, kontinua apoia orsamentu ba governu Timor-Leste, liuhusi Komité Pilotajen Programa Indikativu Nasionál [PIN].

Komité Pilotajen reúne Servisu Ordenadór Nasionál [SON] husi Fundu Europeu ba Dezenvolvimentu [FED], atualmente sob tutela direta iha Primeiru-Ministru, organizmu ministeriál sira seluk, Delegasaun Uniaun Europeia no reprezentante ajénsia ezekusaun projetu sira ba Kooperasaun Europeia iha Timor-Leste.

“Uniaun Europeia kontinua aposta iha mekanizmu apoiu orsamentál, liuhusi buat ne’ebé kontrata ho estadu parseiru sira objetivu operasionál sira hodi atinji no transfere diretamente ba tezouru montante finanseiru korrespondente ba objetivu atinjidu sira,” refere komunikadu UE ba Ajénsia TATOLI, ohin.

Tanba ne’e, kompete ba estadu hodi jere nia rekursu para alkansa meta sira, ho liberdade tomak no instrumentu apoiu orsamentál-ne’ebé mak UE nu’udar doadór úniku hodi utiliza daudaun ne’e-konstitui konfiansa iha kapasidade autoridade timoroan sira hodi dezenvolve polítika adekuada sira no respeitu kompromisu estabelesidu.

Parseiru entre Uniaun Europeia ho Timor-Leste ne’e atu apoiu dezenvolvimentu sustentável liuhusi reforsu efisiénsia, integridade, transparénsia, prestasaun kontas no orientasaun ba sidadaun liuhusi servisu públiku sira, liña ho Planu Dezenvolvimentu Estratéjiku 2011-2030, liuhusi reforsu kapasidade atór estatál sira (hanesan Parlamentu Nasionál, Tribunál Rekursu/Kâmara Kontas ka Polísia Investigasaun Kriminál) no naun estatál sira.

UE no Timor-Leste, antes ne’e, iha 30 marsu 2017, asina ona Akordu Finansiamentu relativu ho 11º FED, ho valór euro millaun 95 (maizumenus 117 millaun dolar ho kámbiu atuál) no valór ne’e kontempla programa prinsipál rua hanesan: “Parceria para melhorar os serviços públicos através do reforço da Gestão e Supervisão das Finanças Públicas” [PFMO] e a “Parceria Sustentável no Sector Agro-florestal” [PSAF].

Ezekusaun programa ida ne’e deklinada iha projetu boot neen no sei finansia husi Uniaun Europeia liuhusi modalidade prinsipál rua. Ida, apoiu orsamentál direta ba governu iha área Nutrisaun, Jestaun no Supervizaun Finansa Públika no hadi’a servisu públiku sira iha ámbitu desentralizasaun.

Rua, delegasaun ezekusaun iha ajénsia kooperasaun sertifikada sira, liuliu (GIZ-Ajénsia Kooperasaun Alemaña) ba PSAF, Camões I.P. (Portugal) ba PFMO no Organizasaun Internasionál Traballu nian hodi forma emprendedór lokál sira ba konstrusaun no reabilitasaun estrada rurál sira.

Entretantu Primeiru-Ministru, Marí Alkatiri, hateten UE kontinua apoiu aselera prosesu dezenvolvimentu rurál, edukasaun, kapasidade institusionál, bee moos no saniamentu, mudansa Klimátika, dezenvolvimento setór privadu, interasaun ekonómika no seluktán.

ʺKoperasaun ne’e  ho Timor-Leste ba tinan lima mai kuaze milloen atus ida resin dollar no iha Euro 95 milloen, tanba ne’e ohin atu ita halo programa para bele hetan apoiu hosi Uniaun Europeiaʺ, hateten PM.

Jornalista: Rafy Belo

Editór : Manuel Pinto

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here