Diretór Jerál Sekretariadu Tékniku Administrasaun Eleitorál (STAE), Acilino Manuel Branco. Foto STAE

DILI (TATOLI) –Diretór Jerál Sekretáriu Tékniku Administrasaun Eleitorál (STAE), Acilino Manuel Branco informa, partisipasaun observadór internasionál iha Eleisaun Antisipada (EA) STAE foin mak akredita ema na’in rua hosi Uniaun Europeia.

Enkuantu iha eleisaun jerál ne’ebé realiza ona observadór internasionál hanesan Uniaun Europeia iha ema hamutuk na’in 50 to’o 60 mak observa realizasaun eleisaun.

“Maluk observadór sira internasionál nian la planeia katak Timor-Leste sei akontese eleisaun antesipada (EA), maibé akontese duni, entaun difikulta adminitrativamente,” Diretór Jerál STAE, Acilino Manuel Branco informa iha edifísiu STAE, Kaikoli, Segunda (2/04).

Nia dehan, uluk órgaun eleitorál fó akreditasaun ba haree na’in (observadór) hamutuk 170 ba eleisaun parlamentár, mai hosi Europa, Amérika, Asian no Kontinente Australia, maibé EA STAE simu alende Uniaun Europeia inklui organizasaun internasionál Australia nian ho naran ATLEO ho observadór hamutuk 40.

“Sira la dezmotiva no sira nafatin delega reprezentante balun mai, maibé kuantidade mak tun eh númeru observadór sira tun iha períodu eleisaun ne’e,” nia haktuir.

Nune’e mós observadór nasionál, STAE uluk fó akreditasaun ba ema na’in 328 resin atu haree direita prosesu eleisaun to’o remata, maibé EA STAE akredita de’it hosi Fundasaun Mahein, Belun no seluk tan ne’ebé seidauk atinje númeru tinan kotuk.

Jornalista : Zezito Silva

Editór : Manuel Pinto

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here