Tomak Apoia MAP Iha Programa Vasinasaun Manu

0
37
Atividade vasinasaun ba moras ‘Newcastle’. Foto Google

DILI, (TATOLI) – Haree ba manu barak mak mate iha tinan-tinan tanba moras ‘Newcastle’  (moras manu nian), nune’e To’os ba Moris Di’ak (TOMAK) apoia Ministériu Agrikultura no Peska (MAP) atu haforsa programa vasinasaun ne’ebé mak atu implementa iha suku 66 iha munisípiu Bobonaru, Baukau no Vikeke.

Programa ida ne’e MAP nian iha Diresaun Nasionál Pekuária no Veterinária no TOMAK apoia iha faze sosializasaun ba munsípiu tolu ne’ebé hetan apoiu husi autoridade lokál sira.

Espesialista Korrente Valór (Value Chain), TOMAK, Joaninha Oliveira Guterres, hatete tanba abitante husi munisípiu refere seidauk hatene infomasaun sobre vasinasaun liuliu ba moras manu maka TOMAK no MAP halo ona divulgasaun informasaun iha kada suku atu nune’e informasaun bele to’o iha komunidade.

“Kona-ba sosializasaun ita halo no remata ona agora mak foin atu hahú vasinasaun”, Joaninha katak iha Komoro, ohin.

Vasinasaun ida ne’e sei hahú iha fulan ne’e iha munisípiu tolu. Programa ida ne’e parte husi komponente seguransa ai-han no nutrisaun nia oinsá mak bele halo vasinasaun ba animál sira liuliu manu para bele prodús tolun di’ak hodi nune’e inan isin-rua no labarik bele konsome.

Jornalista: Maria Auxiliadora

Editora: Rita Almeida

HUSIK IDA HATÁN