PM-Organizasaun Mundiál Turizmu Lansa Programa Vizita TL  Vinte Vinte

0
92
Ministru Turizmu , Manuel Vong hasoru malu ho Sekretáriu Jerál Organizasaun Mundiál Turizmu, Zurab Pololikashvili, iha Madrid-España,19 fevereiru foin lalais ne’e. Foto/ MT.

DILI, (TATOLI) – Primeiru-Ministru, Marí Alkatiri no Sekretáriu Jerál Organizasaun Mundiál, Zurab Pololikashvili, sei lansa programa vizita Timor Leste vinte-vinte  iha loron  26 marsu 2019 iha Dili.

Ministru Turizmu, Manuel Vong, haktuir asuntu ne’e hafoin hato’o konvite ba Xefe Governu iha Palasiu Governu, ohin.

Lansamentu ne’e hanesan inísiu ba implementasaun polítika governu to’o 2030, setór turizmu sei sai setór determinante ba dezenvolvimentu ekonómiku rai-laran.

“Prinsipál  maka kriasaun kampu servisu, redusaun kiak, hasa’e taxa ba Estadu  no hadi’a rendimentu perkapita hodi hadi’a kualidade moris povu Timorʺ, dehan governante ne’e.

Okaziaun ne’e, Ministru Turizmu ne’ebé akompaña Vise Ministru, Rui Menezes, hato’o mós konvite atu lider governu inagura Sentru Informasaun Turístika Timor-Leste iha loron 12 marsu no lansamentu programa Sunset Fair Kristu Rei iha loron 18 marsu 2018.

Kristu Rei nu’udar  fatin turistika prinsipál , tanba ne’e Ministeriu Turizmu uza fatin ne’e hodi realiza feira kalan ba komunidade.

Jornalista: Agapito dos Santos

Editora: Rita Almeida

HUSIK IDA HATÁN