PM Husu Emprezáriu Portugal  Investe iha TL

0
86
Primeiru-Ministru, Marí Alkatiri. Foto GPM

DILI, (TATOLI) – Primeiru-Ministru, Marí Alkatiri, husu ba emprezáriu Portugal hodi investe iha área produtividade.

Xefe Governu hato’o pedidu ne’e liuhosi Embaixadór Portugal iha Timor-Leste, José Machado Vieira, hafoin enkontru kortezia iha Palásiu Governu, ohin.

Hodi garante kualidade projetu infraestutura fíziku, Alkatiri hateten tenke fó oportunidade ba emprezá protugés sira investe iha TL.

ʺSira kontente (embaixadór) tanba ita loke odamatan, ha’u mós dehan sira devia investe iha área produtiva (agrikultura)ʺ, dehan PM.

Nasaun rua durante ne’e implementa ona koperasaun iha sétor edukasaun, bee moos no seluk tan.

Iha parte seluk, PM husu ba timoroan sira hotu ne’ebé trata billete identidade hodi sai sidadaun Portugal ba servisu iha Inglatera no Irlanda tenke pasensia no tuir prosedementu legál.

ʺHusu ita nia pasensia, maibé ha’u hatene dalabarak timoroan sira ne’ebé servisu iha ne’eba (embaixada) laiha pasensia atu atende maluk timoroan seluk ne’e mak halo problemaʺ, katak.

Timoroan rihun tolu nuluh resin maka oras ne’e hetan pasaporte Portugal hodi servisu iha Reuni Unido no Irlanda.

Jornalista: Agapito dos Santos

Editora: Rita Almeida

HUSIK IDA HATÁN