MT Planeia Harii SIT Iha Baukau no Bobonaru

0
128
Sentru Informasaun Turístika iha Lesidere. Foto/MT.

DILI, (TATOLI)-Ministériu Turizmu (MT) planeia atu harii tan sentru informasaun turístiku iha zona osidentál nian iha munisípiu Bobonaru no  orientál maka Baukau.

Ministru MT, Manuel Vong, hatete fatin hirak ne’e sei sai hanesan fatin dezenvolvimentu turístiku iha futuru.

“Iha 2018 ita hatama iha planu atubele halo konstrusaun iha tempu barak”, Vong hatete iha Lesidere hafoin inaugura Sentru Informasaun Turístika, horisehik.

Rekursu umanu ne’ebé mak sei koloka iha fatin sira ne’e mak funsionáriu husi MT rasik ne’ebé sei hetan formasaun espesífika kona-ba oinsá mak atu jere sentru informasaun ida ne’e.

“Liuliu divulga nó mós ita hakarak liuhusi ida ne’e sei iha mós unidade ida ne’ebé maka atu fó prestasaun serbisu turístiku hanesan tour guide, akompaña ita-nia turista sira iha fatin ne’ebé mak presiza bá”.

Harii Sentru Informasaun Turístika (SIT) ida ne’e bazeia ba Planu Estratéjiku Dezenvolvimentu Nasionál (PEDN) ne’ebé mak sei estabelese sentru sira ne’e iha zona tolu mak orientál, sentrál no osidentál, nune’e iha zona sentrál nia tau ona iha kapitál Dili no halo ona inaugurasaun iha 12 Marsu 2018.

Jornalista : Maria Auxiliadora

Editór : Manuel Pinto

HUSIK IDA HATÁN