MDS Aprejenta Kompañia Konstrusaun Ró ba PM

0
90
Ministru Defeza no Seguransa, Agustinho Sequeira “Somotxho”. Imajen Mídia Palásiu PR.

DILI, (TATOLI) – Hafoin asina tratadu ketan tasi (fronteira marítima), Ministru Defeza no Seguransa (MDS) ho ninia ekipa, ohin aprejenta kompañia ida ba Primeiru-Ministru kona-ba konstrusaun ró.

“Ita manan ona fronteira marítima maibé laiha seguransa, tanba ne’e Ministériu Defeza no Seguransa preokupa ho ita ninia seguransa iha tasi laran, nune’e mai ho kompaña Dame atu halo aprezentasaun ba Primeiru-Ministru kona-ba pontu sira ne’ebé iha”, tenik Ministru Defeza no Seguransa (MDS), José Agustinho Sequeira Somotxo, ba jornalista sira iha Palásiu Governu.

Hodi dehan, kompañia Dame husi Olanda ne’e hanesan kompañia ida halo konstrusaun ba ró komersiál, funu no militár

Ministru Somotxo hatutan presiza asegura ita nia rai hanesan soberania ba ketan tasi, tanba agora ita laiha buat ida, hanesan dezafiu ida bainhira ketan tasi entrega ona ba ita, ita mak sei responsabilidade no kontrola iha tasi laran.

Nune’e, governante ne’e bolu kompañia Olanda halo aprezentasaun atu konstroi ró. Kona-ba ró rua ne’ebé Austrália sei fó ba instituisaun F-FFTL hodi haforsa servisu forsa naval, asegura rikusoin iha Tasi, tuir nia labele depende tanba hein kleur demais.

Jornalista: Julia Chatarina

Editora: Rita Almeida

HUSIK IDA HATÁN