MAP Distribui Ona Tratór Ida Ba Urlefa

0
54
Diretór Nasionál Agrikultura, Ortikultura no Estensaun, MAP, Amaro Ximenes.

DILI, (TATOLI) – Diretór Nasionál Agrikultura, Ortikultura no Estensaun, Amaro Ximenes, hatete atu apoia ortikultura iha Postu Administrativu Maubise, Munisípiu Ainaru, liuliu iha Urlefa, Ministériu Agrikultura no Peska (MAP) distribui ona tratór ida  hodi fasilita serbisu agrikultór nian.

Amaro hatutan tau tratór boot ida fatin refera atubele dezenvolve ortikultura iha ne’ebá tanba Urlefa iha poténsia boot ba atrikultura nian.

“Ohin mak distribui bá Ainaru, tratór ida atu apoia ortikultura iha Urlefa, agora seluk ne’e ami hanoin hela atu halo distribuisaun, maibé presiza orsamentu ne’ebé boot tebes tanba duodésimu ne’e la aguenta para halo ditribuisaun totál”, Amaro hatete via telemovel, ohin.

Aleinde Urlefa, MAP mós sei tau tratór boot ida iha Atabae, maibé distribuisaun tratór ida ne’e tuir Amaro sei hala’o iha semana oin.

Tuir informasaun sobre termu entrega materiál ida iha Maubise ne’e sei halo husi Ministru Agrikultura no Peska, Estanislau Aleixo da Silva.

Materiál agríkola ne’ebé atu fahe ne’e doasaun husi Repúblika Populár Xina ba Ministériu Agrikultura no Peska.

Jornalista: Maria Auxiliadora

Editora: Rita Almeida

HUSIK IDA HATÁN