Liña Internet Kontribui Saláriu FP Atraza

0
188
Ministru Planu no Finansa, Rui Gomes

DILI, (TATOLI)- Ministru Planu no Finansa, Rui Gomes, esklarese prosesu pagamentu saláriu Funsionáriu Publiku (FP) nian iha fulan ida ne’e tama tarde “Atraza” tanba kauza husi liña internet ne’ebé demora tempu.

“Prosesu sira ne’e la’o hanesan normál soké dala barak ita hatama buat hotu dala ida, ita-nia internet ne’e ladún iha forsa para kapta buat hotu, ne’e mak nia han tempu uitoan atu transfere ba banku sira ne’e,” Ministru Rui Gomes esplika iha Kaikoli, ohin.

Biar nune’e, Rui garante iha loron ida ohin (Kinta) to’o aban (Sesta) saláriu funsionáriu públiku sira-nia tama hotu ona iha ida-idak nia konta privadu. Basa nia esplika, prosesu transferénsia ne’e Ministériu Planu Finansa hahú kedan kleur ona no Segunda-Feira liubá aprova tiha ona, no sistema  loos ona.

Enkuantu Iha Janeiru foin lalais ne’e iha difikuldade pagamentu ba saláriu ne’ebé akontese iha payroll tanba tenke halo ajustamentu bainhira atu prosesa ona saláriu tuir kalendáriu payroll nian.

(Jornalista : Maria Auxiliadora)

(Editór : Manuel Pinto)

HUSIK IDA HATÁN