Lider Sira Tenke Konsensu Hodi Diskute GS

0
111
Komunidade entusiaz simu Primeiru Ministru, Marí Alkatiri, ho nia delegasaun molok hakat ba fatin konsulta Programa iha edifísiu Administrasaun Munisípiu Manufahi, Suku Holarua, Postu Administrativu Same Vila, kinta ne'e. Imajen Tatoli/Xisto Freitas.

MANUFAHI, (TATOLI) – Primeiru Ministru, Marí Alkatiri, hateten lider nasionál sira presiza halo konsensu hodi diskuti asuntu nasionál hanesan kampu minarai Greater Sunrise (GS).

Marí hato’o kestaun ne’e bainhira konsulta Programa Sétimu Governu Konstitusionál ba autoridade munisípiu, autoridade lokál, veteranu, reprezentante ONG lokál, reprezentante Igreja Katólika no Musulmanu ne’ebé hala’o iha edifísiu Administrasaun Munisípiu Manufahi, Postu Administrativu Same Vila, kinta ne’e.

Tuir Xefe Governu bainhira laiha konsensu nasionál, Timor difísil hetan kbiit ida atu hasoru kompaña esplorasaun no Austrália atu deside dada kadoras mai Timor-Leste.

“Bainhira ita laiha konsensu nasionál ida, dalaruma ita balun hosi kotuk apoiu fali adversáriu hodi difikulta dada kadoras Greater Sunrise mai rai ne’e”, katak Marí.

Líder istóriku hatutan importante teb-tebes dada kadoras mai Timor-Leste tanba fó benefísiu indireta ba timoroan sira, katak loke kampu serbisu barak ba timoroan sira.

Marí esklarese Timor-Leste manán ona fronteira marítima, tan ne’e, rikusoin Greater Sunrise tama hotu ona iha área Timor nian.

Ne’e duni, nia afirma, Timor tenke iha kapasidade atu diskute ho kompaña no Austrália atu dada kadoras mai Nasaun ne’e.

Jornalista: Xisto Freitas

Editora: Rita Almeida

HUSIK IDA HATÁN