Kompañia Investel Comunication Konsulta PM Sosa TT

0
309
Foto espesiál

DILI, (TATOLI) – Prezidente Kompañia Investel Comunication, Abílio Araújo, ho ekipa ohin hasoru Primeiru-Ministru, Marí Alkatiri hodi konsulta kona-ba planu hodi sosa asaun (saham) hosi kompañia Timor Telekom.

ʺAmi mai halo aprejentasaun kona-ba prosesu atu sosa asaun Timor Telekom”, ʺdehan emprezaríu timoroan ne’e ba jornalista sira iha Palasiu Governu.

Kompañia Dubai Arabi ne’e sei sosa asaun TT ho millaun $72 hosi OI Brasil. Enkuantu Governu iha asaun pursentu 22, emprezáriu timoroan, Júlio Alvaro pursnetu haat no sira seluktán.

ʺHa’u tau osan pursnetu 50 ba Investel hodi sosa asaun TT ho totál pursentu 57ʺ, tenik.

Diskusaun ne’e kompañia interese atu investe iha setór turizmu, saúde no agrikultura. ʺAmi prontu atu apoiu ospitál iha rejiaun autonómu espesiál Oekusiʺ, katak tan.

Entretantu, kompañia internasionál Brasil ida maka antes ne’e sosa ona asaun hosi Portugal Telekom ne’ebé inveteste iha TT.

Jornalista: Agapito dos Santos

Editora: Rita Almeida

HUSIK IDA HATÁN