Governu Preokupa Pozisaun Jéneru iha PNTL

0
62
Governu liuhosi Sekretária Estadu Igualdade Jéneru no Inkluzaun Sosiál, Laura Menezes Lopes, preokupa pozisaun ofisiál ba balansu jéneru iha instituisaun Polísia Nasionál Timor-Leste (PNTL). Foto mídia PR

DILI, (TATOLI) – Governu liuhosi Sekretária Estadu Igualdade Jéneru no Inkluzaun Sosiál, Laura Menezes Lopes, preokupa pozisaun ofisiál ba balansu jéneru iha instituisaun Polísia Nasionál Timor-Leste (PNTL).

“Preokupasaun governu nian iha instituisaun PNTL nian kona-ba aseguransaun balansu jéneru iha ofisiál sira PNTL nian, presiza asegura no rezolve duni tanba ofisiál sira mane barak liu duke feto”, hatete nia iha workshop ba loron feto ne’ebé hala’o iha Tower Fatuhada, tersa, (6/3).

Ofisiál sira feto PNTL eziste iha munisípiu hotu inklui Rejiaun Autónomu Espesiál Oekusi Ambeno (RAEOA), hahú hosi 13 to’o 32 pursentu no 25 pursentu mak servisu iha kuartél jerál PNTL.

Espera katak formasaun iha instituisaun PNTL gradualmente sei rezolve preokupasaun númeru partisipasaun feto iha instituisaun seguransa.

Enkuantu, SEIJIS iha kompromisu implementa planu asaun nasionál ne’ebé estabelese hosi unidade ba ema vulneravél hodi investiga no fó asisténsia violénsia bazea ba jéneru.

Tanba ne’e, SEIJIS prontu atu apoiu no fó asisténsia ba PNTL no polísia feto sira hodi atinje implementasaun programa igualdade jéneru iha instituisaun PNTL.

Entretantu, Komandante Jerál PNTL, Juli Hornay, salienta persentajen feto iha pozisaun menus tanba liuhosi selesaun hotu, la’os mane mak importante liu feto maibé feto ho mane hanesan.

Selesaun liuhosi treinamentu oioin hanesan atu orienta feto atu treinu mós lahatene no halai dala ida mós dada iis atu kotu maibé sistema mak nune’e duni.

Jornalista: Zezito Silva

Editora: Rita Almeida

HUSIK IDA HATÁN