Aplikasaun Turizmu Timor-Leste Tenke Transversál

0
120
Primeiru-Ministru bainhira halo intervensaun iha atividade inagura sentru turiztiku iha Lecidere, tersa, (12/3). Foto Tatoli/Egas Cristovao

DILI, (TATOLI) – Primeiru-Ministru, Mari Alkatiri, hateten aplikasaun turizmu Timor-Leste tenke transversál, se kuandu turizmu mesak sei la la’o ba oin, nune’e turizmu tenke koopera ho setór seluk ba dezenvolvimentu ekonómiku nasaun nian.

“Timor-Leste tenke diversifika ekonomia maibé atu diversifika tenke iha vizaun transversál, tanba ne’e turizmu Timor-Leste nia aplikasaun transversál maibé kuandu turizmu mesak sei la ba oin, turizmu tenke koopera ho setór sira seluk ba dezenvolvimentu ekonómiku”, Xefe Governu nia intervensaun bainhira inagura Sentru Informasaun Turístika iha Lecidere, Tersa (12/3).

Sentru Informasaun Turístika nia funsaun atu informa potensiál turista no inverstidór sira turístiku ba Timor-Leste nia potensialidade ne’ebé identifikadu hanesan lokál kulturál hirak iha interese ba turizmu.

Setór turizmu tenke iha dinámika foun signifika presiza servisu hamutuk ho setór agrikultura, komérsiu no industria, nune’e ba futuru turizmu labele moris ho importasaun produtu.

“Ekonomia importansaun tenke importa inflasaun tanba ne’e ekonomia labele totalmente depende petroleum”, dehan.

Turizmu hanesan área importante tebes, tanba ne’e mai ita hotu investe iha turizmu liuhosi autoridade turizmu, kooperativa turizmu, fundu turizmu no tasa turizmu.

Enkuantu, tasa turizmu importante tebes, presiza iha tasa turizmu tanba ema kuandu mai ótel tenke selu no selu mos ba turizmu maibe agora seidauk bele kobre tanba seidauk iha lei.

Nia fó parabéns ba Ministru Turizmu anteriór no agora tanba Sentru Informasaun Turístika tenke uza didiak. “Mai ita hateke ba oin hodi serbí Timor-Leste no hasai povu hosi kiak no mukit”.

Jornalista: Zezito Silva

Editora: Rita Almeida

HUSIK IDA HATÁN