ADTL Disemina Informasaun Kona-ba Inkluzaun ba MDRI

0
120
ADTL halo diseminasaun. Foto: ADTL

DILI, (TATOLI) – Asosiasaun Defisiente Timor-Leste (ADTL) halo diseminasaun inkluzaun ema ho defisiénsia iha konstrusaun estrada rurál ba funsionáriu Ministériu Dezenvolvimentu Reforma Institusionál (MADRI).

“Fasilitatór husi ADTL hodi fahe informasaun sira kona-ba dezenvolvimentu asuntu defisiénsia iha Timor-Leste, asesibilidade, bareira sira satan partisipasaun ema ho defisiénsia no oinsá inklui ema ho defisiénsia iha prosesu dezenvolvimentu nasionál”, refere komunikadu ADTL, diriji mai TATOLI, ohin.

Treinamentu ne’e hala’o iha 21 marsu 2018 iha salaun Diresaun Nasionál Estradas Pontes no Kontrolu Seias, Raikotu.

Diseminasaun hala’o iha ámbitu MDRI organiza treinamentu kona-ba seguransa no saúde ba funsionáriu obra públiku, funsionáriu, tékniku, kontratór no site supervisor ho intensaun atu hametin kapasidade jestaun implementasaun seguransa no saúde iha konstrusaun estrada rurál.

Atividade ne’e bele organiza tan apoiu R4D-SP (Rural Road for Development-Support Program) no hetan partisipasaun másimu husi partisipante sira. Nune’e mós hafoin remata, fahe mós sertifikadu apresiasaun ba partisipante sira ne’e.

Jornalista: Rafy Belo

HUSIK IDA HATÁN