Prezidente CNE, Alcino Barrís, halo konferénsia imprensa hafoin hala'o sorumutuk ho Partidu Polítiku (ParPol) no koligasaun partidária sira kona-ba regra kampaña eleitorál. Foto Tatoli/Egas Cristovão

DILI, (TATOLI) – Orgaun eleitorál hanesan Komisaun Nasionál Eleisaun (CNE-sigla portugés) trata partidu polítiku (ParPol) hanesan, tanba ne’e kuandu partidu balun sente la satisfeitu ba hahalok balun, relasaun tesi bandeira talin iha munisípiu Vikeke presizamente hato’o keisa mai CNE eh orgaun kompetente atu toma medida.
“Kuandu ema hato’o keisa mai Komisaun Nasionál Eleisaun, nia misaun atu garante igualdade ba ParPol sira, la haree ba partidu A ka B”, hatete Prezidente CNE, Alcino Barris, hafoin enkontru ho reprezentante ParPol iha CNE, Kaikoli, tersa, (27/3).

Relasaun ho tesi bandeira talin, parte CNE seidauk simu keisa ruma katak ema hosi ParPol mak komete, individu no seluk tan.

“Se hahalok individu eh partidu balun nian, presiza halo keisa no klaru katak tenke investiga maibé to’o agora seidauk deskobre ema ne’e sé”, realsa.

Nia akresenta ParPolsira labele deskonfia malu iha ámbitu situasaun polítika maibé ema bele aproveita hodi halo aktu krime sira.

Enkuantu, ko’alia kona-ba bandeira talin ne’ebé estragadu, lei prevee katak aktu ne’e krime, nune’e husu ba ParPol sira atu dada bandeira iha sede de’it no labele dada iha fatin públiku sira tanba ema la kontrola.

Maibé to’o kampaña labele dada iha instalasaun públika hanesan fatin relijioza, parlamentu, governu no seluk tan.

Lei la dehan bandeira hirak ne’e labele hasa’e maibé iha proibisaun uza atributu ParPol nian iha instalasaun públika.

Nia informa instalasaun CNE iha munisípiu hotu, nune’e ParPol ne’ebé sente la kontente ho aktu ruma tenke halo keisa ba CNE tanba ofisiál monitorizasaun mill resin inklui funsionáriu públiku sira.

Entretantu, ekipa advogadu Aliansa Mudansa ba Progresu (AMP) sei hato’o keisa direta ba ministériu públiku atu ánalize no tetu kazu hirak ne’e atu prosesa tuir lei.

Jornalista: Zezito Silva

Editora: Rita Almeida

HAKEREK NO HATÁN

Please enter your comment!
Please enter your name here