PM Mari Alkatiri

DILI (TATOLI)—Primeiru Ministru, Mari Alkatiri promete katak sei kria kondisaun hanesan orsamentu, fasilidade no seluk atu Polísia Nasionál Timor-Leste (PNTL) bele fó seguransa ba Eleisaun Antisipada (EA) iha fulan Maiu 2018.

“Ami sei prepara kondisaun total ba PNTL hodi asegura eleisaun antisipada,” Mari Alkatiri hato’o kometimentu governu ne’e bainhira partisipa selebrasaun aniversáriu PNTL ba dala XVIII, ho tema “PNTL Prontu Hametin Estabilidade no Pás ba Povu no Rai Doben Timor-Leste” ohin, iha sentru formasaun polísia, Komoro, Dili.

Ho nakloke Primeiru Ministru promete tan katak sei rezolve difikuldade sira ne’ebé durante ne’e PNTL hasoru hanesan kestaun lojístika, kombustivel, inklui buat seluk tan hodi nune’e fó kondisaun ba PNTL atu asegura Eleisaun Antisipada.

“Parabéns ba Polisia Nasionál Timor-Leste, ne’ebé ohin selebra aniversáriu ba dala 18,” Primeiru Ministru hato’o tan.

 Jornalista: Agapito dos Santos

Editór : Manuel Pinto

HAKEREK NO HATÁN

Please enter your comment!
Please enter your name here