Prezidente Tribunál Rekursu foun, Deolindo dos Santos bainhira halo intervista ho jornalista sira iha Palásiu Prezidensiál. Foto Tatoli/Antonio Goncalves

DILI, (TATOLI) – Prezidente Tribunál Rekursu, Deolindo dos Santos, ohin relata servisu ba Primeiru-Ministru iha Palásiu Governu.

“Enkontru ho Primeiru-Ministru hanesan enkontru ne’ebé mak ha’u halo atu ko’alia kona-ba servisu tribunál nian desde ha’u nia mandatu tinan hirak liuba, entaun ha’u hanoin hela saida mak tribunál presiza harre para husu apoiu husi governu atu tribunál bele la’o di’ak liután”, tenik ba jornalista sira hafoin enkontru.

Hodi hatutan, iha planu balun mak órgaun soberanu ne’e halo ba futuru servisu tribunál nian ne’ebé sei konsta iha planu asaun no sei aprezenta iha futuru kuandu governu iha diskusaun kona-ba orsamentu jerál estadu (OJE).

Nune’e juiz ne’e dehan agora dadaun TR servisu hanesan bain-bain, finaliza saida mak prioridade no halo buat ne’ebé presiza mesmu limitasaun rekursu maibé ida ne’e la’os problema instituisaun nian maibé Estadu nian.

Entretantu, Deolindo hetan posse hanesan nu’udar Prezidente Tribunál Rekursu troka Guilermino da Silva iha loron 28 abril 2017 hosi eis Prezidente Repúblika, Taur matan Ruak iha Palásiu Prezidensiál Bairru Pité.

Momentu ne’ebá nia hateten durante mandatu tinan haat nia laran nia sei prioritiza ba kazu pendente ne’ebé oras ne’e dadaun iha TR.

Jornalista: Julia Chatarina

Editora: Rita Almeida

HAKEREK NO HATÁN

Please enter your comment!
Please enter your name here