DOT Marsu 2018. Foto/MPF.

DILI, (TATOLI)-Ezekusaun Dotasaun Orsamentu Temporáriu (DOT) ka duodecimal Fevereiru 2018 nian konsege atinje porsentu 60.2 husi totál orsamentu hamutuk millaun U$102.952.940 ne’ebé esklui empréstimu nian.

Tuir komunikadu Ministériu Planu no Finansas ne’ebé TATOLI asesu ohin katak kompozisaun kona-ba ezekusaun DOT Fevereiru mak hanesan saláriu no vensimentu porsentu 88.1, bens no servisu porsentu 39.5, kapitál dezenvolvimentu porsentu 55.3, transferénsia públika porsentu 63.6 no despeza kontinjénsia porsentu 76.1.

Entantu iha duodecimo Janeiru 2018 nia ezekusaun orsamentu atinje porsentu 66 husi totál orsamentu millaun U$101.168.285.

Kompozisaun kona-ba ezekusaun DOT janeiru 2018 mak hanesan saláriu no vensimentu porsentu 83.5, bens no servisu porsentu 44.9, kapitál dezenvolvimentu porsentu 64.3, transferénsia públika porsentu 85.3 no despeza kontijénsia porsentu 96.6.

Aleinde ne’e iha alokasaun DOT ba Marsu 2018 https://www.mof.gov.tl/wp-content/uploads/2018/03/20180315_DOT-Marsu-2018.pdf  kona-bá Sumáriu Dotasoens Orsamentais Temporáriu fulan Marsu 2018.

Total Dotasoens Orsamentais Temporáriu ba kada períodu tuir artigu 31 LOJF No.13/2009 husi total Orsamentu Jeral Estadu 2017 ba kategoria hotu. Ho tetu DOT Konsellu Ministru deside, kontinua aplika iha períodu tuir mai ba kategoria Saláriu Vensimentu, Bens Servisus, Transferénsia Públika no Kapitál Dezenvolvimentu. Ba Kapitál Minor  sei suspende too OJE 2018 tama vigor.

Detalla informasaun ba kada kategoria sei justifika iha Sirkulár DOT.  Alokasaun DOT ba fulan Marsu 2018 hamutuk $104.631.399 ka porsentu 99 husi Tetu DOT, ne’e signifika poupa deit $1,445,658 ka porsentu 1 husi tetu DOT. Bainhira kompara ho períodu Janeiro hetan Kresimentu bo’ot sa’e ba

Porsentu 13 no Fevereiru sa’e ba porsentu 2 tanba laiha diferensa maka’as. Ne’e signifika, mezmu halo ona esforsu suspende aktividades, maibé nesesidades actual presiza hetan apoiu másimu hodi responde no evita tusan iha futuru. maibé sei respeita nafatin tetu ne’ebé determina ona.

Maski halo ona esforsu lubuk ida liu husi suspende aktividades hanesan temi iha períodu Janeiro no Fevereiru hodi fó atensaun fali aktividades seluk ne’ebé presiza tebes solusiona, maibé sei reprezenta nafatin montante boot, tanba aktividades exesionál tuir artigu 6 husi Dekretu Ezekusaun DOT presiza kontinua prevee despezas hanesan aktividades eleisaun ne’ebé atravesa prosesu aprovizionamentu, Servisu Legais no Eis Titulares, inklui aumentu ba RAEOA-ZEESM, CPLP, Infraestrutura rural, quotas no re-pagamentu emprestimu ADB no Banku Mundial. Tuir mai sumáriu DOT fulan Marsu 2018.

Tuir Mai Sumáriu DOT fulan Marsu  

Jornalista : Maria Auxiliadora

Editór : Manuel Pinto

 

Notísia ne’ebé relasiona : http://www.tatoli.tl/2018/03/duodesimu-marsu-sae-porsentu-rua-husi-total-orsamentu-hamutuk-u104-6/

HAKEREK NO HATÁN

Please enter your comment!
Please enter your name here