Ministru Planu no Finansa, Rui Gomes. Foto Antonio Goncalves

DILI, (TATOLI) – Ministru Planu no Finansa, Rui Gomes, hateten sei ba hatan pergunta 29 hosi opozisaun sira iha tempu besik relasiona ho rezultadu ezekusaun orsamentu duodésimu.

Governante ne’e hatutan simu karta protesta ne’e iha loron 6 marsu 2017 hosi opozisaun ne’ebé asina hosi deputadu nain ualu.

ʺHa’u nia intensaun inisiál ne’e atu ba hatan iha parlamentu iha loron 7 marsu maibé ha’u simu karta ne’e iha loron 6 marsu kalan, tanba ne’e ha’u tenke estuda laiʺ, dehan governante ba jornalista sira iha Tibar, kinta (15/3).

Nia esklarese pergunta hirak ne’e maioria sobre lei ezekusaun orsamentu duodésimu.

Ministru ne’e  hatutan tan ezekusaun orsamentu la’o tuir lei ezekusaun tanba ne’e la viola buat ruma hanesan AMP sira preokupa.

Aliansa Maioria Parlamentár (AMP) kompostu hosi bankada Kongresu Nasionál Rekonstrusaun Timor (CNRT-sigla portugés), Partidu Libertasaun Populár (PLP), Kmanek Haburas Unidade Nasionál Timor Oan (KHUNTO).

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here