Prezidente Funsaun Públika, Faustino Cardoso. Foto KFP

DILI, (TATOLI) – Prezidente Komisaun Funsaun Públika (KFP), Faustino Cardoso, husu ba funsionáriu públiku atu respeita lider nasionál sira hodi evita liafuan trata  liuhosi públikasaun mídia sosiál facebook.

Prezidente KFP hato’o apela ne’e relasiona ho faktu balun funsionáriu balun uza facebook hodi trata lider sira.

ʺFunsionáriu tenke hatudu disiplina iha fatin ne’ebé sai ezemplár, la limita de’it iha fatin servisu maibé, mantein hodi respeita órgaun soberania, konstituisaun, membru governu no seluk tanʺ, dehan Cardoso ba jornalista sira iha Palasiu Governu, kinta ne’e.

Hahalok indisiplinár ne’e KFP identifika komesa kedas iha eleisaun parlamentár tinan kotuk, tanba ne’e Prezidente KFP ne’e husu ba mídia sira atu apoiu informasaun bainhira identifika funsionariu públiku uza mídia sosiál hodi trata lider sira.

ʺAmi husu mídia sira nia apoiu kuandu imi identifika iha faktu balun hato’o ba komisaun hodi prosesaʺ, realsa.

Lei númeru 5/2009 estatutu funsaun públika regula ona dever jerál,  espesiál, bandu, kodiku étika, tanba ne’e bainhira viola sei hetan sansaun indisiplinár, xamada atensaun, demisaun, suspensaun no seluktán.

ʺBainhira komete infrasaun sei aplika pena bazea ba grau infrasaunʺ, realsa.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here