Timoroan Nain Rua Desloka ba Korea Súl

0
155
Diretór Eskola Sekundária Tekníka Vokasionál-Grupu Teknolojia Indústria (ESTV-GTI) Bekora, Francisco Guterres.

DILI, (TATOLI) – Alumni estudante Eskola Sekundária Téknika Vokasionál-Grupu Teknolojia Indústria Bekora, segunda ne’e desloka ona ba Korea Súl hodi hasai diploma I iha  lian Korea durante tinan ida iha universidade Kangnam Seoul.

Bolseiru Ezaquel Dias no Cesar Silveira Viana hanesan alumi ESTV-GTI Bekora ba tinan letivu 2017-2018.

Diretór Eskola ESTV-GTI, Francisco Guterres, hateten programa ne’e hetan apoiu finansiamentu hosi Governu Korea liuhosi  Ajénsia Internasionál Koperasaun Korea iha Timor-Leste.

ʺGoverno Korea liuhosi KOIKA tuir planu tinan oin sei haruka tan bolseiru nain rua ba estuda lian Korea iha Korea Súlʺ, dehan Diretór ESTV-GTI ba ajénsia Tatoli iha Bekora, ohin.

Iha posibilidade hafoin formasaun lian Korea remata, Governu Korea kontinua apoiu  bolseiru nain rua ne’e hasai lisensiatura (S1).

Nu’udar reprejentante inan aman, diretór eskola ne’e agradese ba apoiu governo Korea liuhosi KOIKA.

Entretanto, tersa ohin, bolseiro nain rua ne’e aprejenta ona sira nia án ba universidade refere hodi hahú sira nia estudu.

Jornalista: Agapito dos Santos

Editora: Rita Almeida

HUSIK IDA HATÁN