Timor-Leste Preparadu Halo Prevensaun

0
58
Komandante PNTL, Komisáriu Júlio Hornay, fó intervista ba jornalista sira iha edifísiu PJR Kolmera, ohin. Foto Tatoli/Egas Cristovão

DILI, (TATOLI) – Sai hanesan fatin tranzasaun matéria proibida sira, Komandante Jerál Polísia Nasionál Timor-Leste (PNTL), Komisáriu Júlio Hornay, hatete parte balun haree katak Timor-Leste sei iha seguransa ne’ebé frájil, maibé perparadu halo prevensaun.

“Parte balun haree mai ita, dalaruma sira hanoin ita-nia rai ne’e seguransa sei frájil, dalaruma haree mós katak parte balun ne’ebé fó benefísiu ba sira, ezemplu taxa ne’e ki’ik, ita-nia lei kona-ba pena sira ne’e dalaruma ki’ik mas sira lahatene katak Timór mós preparadu atubele halo prevensaun para bele kaptura”, katak Júlio iha konferénsia imprensa ne’ebé hala’o iha Prokuradoria Jerál Repúblika, Kolmera, ohin hodi informa rezultadu ezame ba matéria prima husi kontentór sia ne’ebé hetan apreensaun husi órgaun polisiál.

“Labele hanoin katak Timór hanesan ne’e ita laiha buat ida mas rezultadu mak hanesan ne’e”.

Hanesan forsa seguransa papél importante mak asegura buat hotu apezár iha frakeza balun ne’ebé iha, balun dalaruma utiliza ida ne’e, maibé PNTL latoba.

“Instituisaun tenta nafatin atu dezenvolve nia aan tantu kapasidade ba nia pesoál, prepara nia pesoál, tantu ekipamentu, ita neineik, pasu pur pasu sei dezenvolve di’ak, lahanesan ho rai seluk mais dezenvolvidu mas pelu menus ita halo duni buat ruma ita-nia nasaun para bele asegura vida ita-nia joven, povu no nasaun nian”.

Jornalista: Maria Auxiliadora

Editora: Rita Almeida

HUSIK IDA HATÁN