Sosiedade Sivíl Realiza Enkontru Atu Resposta Dezafíu Dame ho Estabilidade

0
116
José Ramos Horta bainhira dadalia ho jornalista sira iha Palásiu Governu. Foto António Goncalves

DILI, (TATOLI) – Ministru Estadu Konselleiru Seguransa Nasionál, José Ramos Horta, hateten enkontru sosiedade sivíl ohin la’ós enkontru atu halo desizaun ruma maibé halo debate atu analiza situasaun ameasa ba pás no seguransa iha rai laran no rejiaun tomak.

“Oinsá mak ba oin Estadu ne’e bele organiza-án di’ak liu, instituisaun seguransa sira koordena-án di’ak liu para fó resposta ba dezafíu ne’ebé bele ameasa pás no estabilidade iha Timor-Leste no rejiaun tomak”, tenik ba jornalista iha Palásiu Governu, ohin.

Hodi dehan dezafíu bele mai husi krime organizadu oin-oin hanesan jogu ilegál, droga, fase osan ne’ebé bainhira Estadu la hetan medida ba kombate bele sobu-án iha área seguransa.

Governante ne’e hatutan kuantu iha situasaun polítika, problema menus no mínimu iha rai laran mak problema polítiku ameasa ba pás no seguransa ne’ebé la mai hosi parte polítika tanba haree ba  komportamentu tinan barak nia laran iha polítiku, komportamentu husi líder sira, husi grupu oin-oin inklui grupu arte-marsiál.

“Problema bele boot se Estadu la organiza án didiak, instituisaun la koordena para halo prevensaun mak bele mai husi krime organizadu”, katak.

Nia dehan tan krime organizadu bainhira hahú mai husi liur no tama mai rai laran, bele iha elementu iha laran ne’ebé hakarak aproveita, tanba ne’e tenke kombate. Oras ne’e iha mundu inklui rai forte hanesan Amérika krime organizadu maka’as liu.

Entretantu enkontru sosiedade sivíl ne’ebé realiza iha Palasiu Governu ne’e partisipa husi entidade hotu hanesan autoridade defeza no seguransa, governu no sosiedade sivíl sira.

Jornalista: Julia Chatarina

Editora: Rita Almeida

HUSIK IDA HATÁN