PM Promete Sei Rezolve Sede UNIJMA ho Di’ak

0
446
Primeiru-Ministru, Marí Alkatiri.

OE-CUSSE (TATOLI)—Primeiru Ministru (PM), Marí Alkatiri promete katak nia sei rezolve ho di’ak antigu sede eis grupu CPD-RDTL iha Balide, Dili, nune’e bele responde ba ezijénsia grupu Unidade Nasionál Juventude Maubere (UNIJMA)/Ativista Pro RDTL.

“UNIJMA hala’o ona enkontru ho ha’u hanesan Primeiru Ministru atu entrega fali sede Balide ba sira. Tanba ne’e, oras ne’e, ha’u sei trata hela,” Xefe Governu hato’o kestaun ne’e ba jornalista sira iha Santa Rosa, Rejiaun Administrativu Espesiál Oe-Cusse Ambeno (RAEOA), segunda horsehik.

Nia dehan, desizaun uluk Governu soberanu ida maka deside, ne’e duni Governu sei foti desizaun tuir komplexidade problema ne’ebé maka iha.

Antes ne’e, aleinde enkontru ho primeiru ministru, grupu UNIJMA mós soru-mutu kuaze dala tolu ona ho Prezidente Repúblika, Francisco Guterres Lú Olo, ho objetivu buka solusaun ba sede Balide.

Tuir UNIJMA katak sede Balide ne’e sira nia propriedade tanba konstrui ho sira nia osan rasik. Oras ne’e, sede refere okupa ona hosi Polísia Eskuadra tanba konsidera uma no rai ne’e pertense ba Estadu.

(Jornalista: Xisto Freitas)

(Editór : Manuel Pinto)

HUSIK IDA HATÁN