MF Simu Ona Proposta Orsamentu ba EA

0
109
Ministru Planu no Finansa, Rui Augusto Gomes. Foto/Egas Cristovão.

DILI, (TATOLI) – Ministériu Finansa (MF) simu ona proposta orsamentu hosi Komisaun Nasionál ba Eleisaun (CNE-sigla portugés), Servisu Téknika Administrasaun Eleitorál (STAE) no Polísia Nasionál Timor-Leste (PNTL) hodi apoiu servisu operasionál iha terenu durante Eleisaun Antesipada (EA).

Ministru Finansa,  Rui Gomes, hateten nia parte simu proposta hirak ne’e hafoin Prezidente Repúblika, Francisco Guterres Lú Olo, dekreta loron 12 maiu 2018 nu’udar data ba eleisaun antesipada.

ʺAmi simu proposta balun hosi STAE, CNE, PNTL  no sira seluk, maibé ami sei reve fila fali númeru hirak ne’eʺ, dehan Rui Gomes iha edifísiu MF Aitarak laran, kinta ne’e.

Ministériu sei verifika proposta hirak ne’e hodi ajusta loloos montante orsamentu hira maka sei uza iha EA.

ʺAmi sei ajusta hotu proposta hirak ne’e depois mak ami sei fó sai totál montante hira  maka sei utiliza ba eleisaun antesipadaʺ, tenik.

Maibé governante ne’e garante sei iha orsamentu sufisiente hosi duodesimu hodi fasilita EA.

Jornalista: Agapito dos Santos

Editora: Rita Almeida

HUSIK IDA HATÁN