Loke Auditoria, Fretilín Fó Parabéns Ba Governu

0
250
Xefe Bankada Partidu FRETILIN, Francisco Miranda Branco. Imajen Mídia Palásiu PR.

DILI (TATOLI)—Xefe bankada Frente Revolusionária Timor-Leste Independente (FRETILIN), Francisco Branco, fó parabéns ba Governu dahituk tanba dezafia Câmara de Contas atu hahú halo auditoria ba ministériu hotu-hotu hahú husi Rejiaun Administrativu Espesiál Oekusi Ambenu (RAEOA).

“Kongratula ba Governu tanba inisiativa ida ne’e di’ak tebes hodi hatuur fila fali boa governasaun, jestaun no transparénsia ba finansas públika Estadu nian,” Francisco Branco, hato’o iha nia intervensaun reuniaun dahuluk iha reuniaun komisaun permanente iha sala plenáriu Parlamentu Nasionál (PN), ohin.

Nia dehan, Fretilín sei apoiu Governu atu hala’o auditoria, enkuantu iha auditoria ne’e identifika irregularidade ruma iha RAEOA tenke asume responsabilidade, tanba Fretilín nia prinsípiu labele basa liman ba buat la los.

Enkuantu Xefe Bankada Kongresu Nasionál Ba Rekonstrusaun Timor-Leste (CNRT–sigla portugés), Arão Noe, dehan CNRT sei simu sa rezultadu de’it mak sai hosi auditoria ne’e.

“Ha’u hein saida mak atu sai iha relatóriu ne’e hotu-hotu bele simu ho liman rua, labele kona ba ha’u labele maibé konaba ema seluk bele, ida ne’e tenke justu,” Arão hein.

(Jornalista: Julia Chatarina)

(Editór : Manuel Pinto)

HUSIK IDA HATÁN