Komponente Naval Presiza Meius Hodi Kontrola Fronteira Tasi

0
84
Brigadeiru Jenerál FALINTIL-Forsa Defeza Timor-Leste (F-FDTL), Filomeno Paixão.

DILI, (TATOLI) – Brigadeiru Jenerál FALINTIL-Forsa Defeza Timor-Leste (F-FDTL), Filomeno Paixão, hateten Timor-Leste besik ona iha fronteira marítima estabelesida iha 6 marsu tinan ne’e, maibé Komponente Naval seidauk iha meius atu kontrola.

“Se iha ona fronteira marítima entaun tenke kontrola, tanba ida ne’e ami ko’alia kona-ba meius atu kontrola iha kosta súl”, Paixão hato’o kestaun ne’e ba jornalista sira iha Palásiu Prezidente Nicolau Lobato, Bairru Pité, kuarta ne’e, hafoin enkontru ho Prezidente Repúblika, Francisco Guterres Lú Olo, hodi ko’alia kona-ba preokupasaun Komponente Naval.

Nia haktuir Sétimu Governu Konstitusionál aseita ona doasaun ró patrolla boot hosi Austrália, maibé doasaun ne’e só to’o iha tinan 2023, entaun sei implika ba rikusoin iha tasi laran no implikasaun mós ba investimentu, katak ema hakarak investe iha fatin ne’ebé seguru iha rai maran nomós tasi.

Filomeno hatutan ró patrollamentu ne’ebé maka Komponente Naval oras ne’e iha labele halo patrollamentu iha área kosta súl tanba ró ki’ik.

“Presiza rekursu materiál ne’ebé di’ak tanba iha tasi mane lahanesan ho tasi feto”, tenik líder militár ne’e.

Jornalista: Xisto Freitas

Editora: Rita Almeida

HUSIK IDA HATÁN