KFP Sei Digitaliza Dokumentu Administrasaun Públika

0
74
Prezidenti KFP, Faustino Cardoso.

DILI, (TATOLI) – Tuir planu hosi Komisaun Funsau Públika (KFP) sei digitaliza dokumentu administrasaun públika, dokumentu funsionáriu públiku no promosaun seluk tan ba eletróniku hodi avansa ba sistema administrasaun ida moderna, lais no efisiente.

Prezidente KFP, Faustino Cardoso, hateten digitalizasaun ne’e meius ida hodi hatana ba modernizasaun administrasaun públika hodi asegura dokumentu sira ne’e iha tempu naruk.

ʺIta iha espasu limitadu hosi tinan ba tinan, dokumentu ofisiál  barak tebes, tanba ne’e maka ita tenke avansa ona ba digitalizasaun, dokumentu sira ne’ebé tama kategoria servisu administrasaun KFP, prosesu rekrutamentu, promosaun, sertifikadu no seluk tanʺ, dehan Prezidente KFP, Faustino Cardoso, ba Tatoli iha VilaVerde, kuarta ne’e.

Hodi hatutan: ʺaban bairua tama ona iha online fasil atu check bainhira ema ida hatama rekerementu ba konkorsu ita la presiza check fali ninia dokumentu maibé ita iha ona baze de dadusʺ, tenik.

KFP sei aselere prosesu atu sosa makína scan, no kria sistema digitalizasaun ba dokumentu hodi hahú implementa iha tempu besik.

Jornalista: Agapito dos Santos

Editora: Rita Almeida

HUSIK IDA HATÁN