“Investiga Eskola Públika Aplika Propinas ba Estudantes”

0
169
Primeiru Ministru, Mari Alkatiri

DILI (TATOLI)-Primeiru Ministru, Mari Alkatiri husu ba Ministériu Edukasaun atu halo investigasaun ba desizaun hosi eskola públiku balun iha Kapitál Dili ne’ebé aplika ona propinas ba estudantes sira kada fulan.

Xefe governu ne’e preokupa tanba sa mak eskola hirak ne’e husu estudante selu propinas, enkuantu iha Konstituisaun RDTL Garante eskola públiku gratuita.

ʺSei buka hatene, eskola públiku la selu, farda mak karu ou buat saida maka ida ne’e maka ita tenke buka hatene,ʺ hateten, Mari Alkatiri afirma iha edifísiu Eskola públiku sekundária jerál 28 de Novembru Bekora Dili, Segunda, Ohin

Tuir Konstituisaun RDTL Artigu 59 (edukasaun no Kultura) sita : 1. Estadu rekoñese no garante sidadaun hotu nia direitu ba edukasaun no kultura, nune’e mós harii sistema ensinu báziku universál, obrigatóriu no bainhira bele, saugati, tuir lei haruka. 2. Ema hotu iha direitu hanesan, ba oportunidade atu eskola no ba formasaun serbisu/profisaun nian. 3. Estadu rekoñese no fiskaliza eskola partikulár no kooperativu sira. 4. Estadu tenke garante ba sidadaun hotu-hotu, tuir sira-nia kapasidade, atu bele hetan eskola boot kona-ba investigasaun sientífika no hamoris/haburas arte. 5. Ema hotu iha direitu atu goza no harii kultura hanesan nia obrigasaun atu haburas, defende no mós fó valór ba patrimóniu kulturál.

(Jornalista:Agapito dos Santos)

(Editór : Manuel Pinto)

HUSIK IDA HATÁN