IJE Menus Rekursu Umanus

0
100
Inspetór Jerál Estadu, Francisco de Carvalho.

DILI (TATOLI)-Inspetór Jerál Estado, Francisco de Carvalho hateten, Inspesaun Jerál Estadu (IJE) sei menus rekursu umanus hodi halo auditoria ba instituisaun estadu hotu iha territóriu laran.

ʺAmi nia problema maka rekursu umanu tanba ne’e labele avansa servisu ho kualidade,ʺ Inspetór Estado ne’e informa ba Ajénsia Notísias TATOLI ohin, iha Lesidere.

Instituisaun estadu ne’e iha funsionáriu besik haat nulu, maibé auditor menus hosi tolu nulu.

ʺAmi ho funsionáriu permanente provolta 38, inklui Cleaner, Motorista, auditor sira kuaze rua nulu resin ne’e seidauk sufisiente hodi abranje iha territóriu,ʺ nia relata.

Aselera prosesu auditoria, inspesaun no investigasaun ba kazu mal administrasaun no seluk tan, auditor sira hetan mós apoiu hosi funsionáriu sira seluk.

Inspetór ne’e hateten, bainhira iha orsamentu estadu maka instituisaun estadu ne’e sei aumenta funsionáriu. Instituisaun estadu hanesan órgaun kontrolu internu governu nian hodi ezerse ninia kna’ar hanesan auditoria, inspesaun no investigasaun.

(Jornalista: Agapito dos Santos)

(Editór : Manuel Pinto)

HUSIK IDA HATÁN