Governu Preve Milliaun Lima ba Eleisaun Antesipada

0
150
Acilino Manuel Branco. Foto STAE

DILI, (TATOLI) – Diretór Jerál Sekretariu Tékniku Administrasaun Eleitorál (STAE), Acilino Manuel Branco, hateten seidauk iha balansa atu halo komparasaun orsamentu ba eleisaun agora no antes nian maske orsamentu ba eleisaun antisipada agora governu preve ona milliaun lima dolar amerikanu.

“Kona-ba orsamentu atu boot ka kiik ita seidauk iha balansu ida ne’ebé bele halo komparasaun maibé hafoin aktus ne’e remata mak ita bele halo konfirmasaun ba ministériu finansa para bele haree nia balansu ezekusaun”, tenik ba jornalista sira iha Palásiu Governu, ohin.

Ninia montante ne’ebé iha ona sei ajusta tuir nesesidade nomós konteksu sira ne’ebé mak akontese iha eleisaun ne’e rasik. Ezemplu bainhira enfrenta situasaun udan, presiza mós rekursu sira balun atu mobiliza servisu hodi bele fasilita prosesu.

“Bainhira loke tan sentru iha rai lur, kontribui mós atu bele aumenta ba rekursu balun maibé ninia komparasaun ha’u hanoin katak la boot tanba ita sei mantein nafatin sentru votasaun ne’ebé mak ita utiliza iha eleisaun parlamentu ninian. Agora dadauk so iha de’it ida mak iha Irlanda Norte, em termus de kustu ladun iha implikasaun”, katak. 

Jornalista: Julia Chatarina

Editora: Rita Almeida

HUSIK IDA HATÁN