Governu Presiza Koloka Artigu Hodi Proteje Labarik iha EA

0
65
Komisaria Komisaun Nasionál Diretu Labarik (KNDL), Maria Barreto. Foto dokumentasaun Tatoli

DILI, (TATOLI) – Komisária ba Komisaun Nasionál Direitu Labarik (KNDL), Maria Barreto, hatete governu presiza koloka artigu balun hodi proteje labarik sira iha lei eleisaun jerál.

“Bazeia hosi esperiénsia monotorizasain eleisaun parlamentár iha 2017, públiku preokupa tebes ba involvimentu labarik iha prosesu kampaña to’o eleisaun, tanba ne’e Governu presiza koloka artigu ida ba protesaun labarik ho idade minór iha lei eleisaun”, dehan Maria Barreto ba jornalista sira hafoin hasoru Xefe Governu, Marí Alkatiri, iha Palásiu Governu, kuarta, (6/2).

Tanba  ne’e, KNDL hakarak rekomenda ba Komisaun Nasionál ba Eleisaun (CNE-sigla portugés) ho Ministériu Administrasaun Estatál (MAE) atu tau konsiderasaun ba asaun protesaun ho lei eleisaun antesipada.

Nune’e órgaun eleitorál hanesan CNE ho Sekretáriu Tékniku Administrasaun Eleitorál (STAE) atu halo sosializasaun no halo edukasaun sívika iha baze, nune’e labarik ho idade minoridade bele hatene espasu no ba sidadaun hotu.

Protesaun labarik importante tebes, nune’e presiza aponta artigu refere eh loke pontu ida iha lei eleisaun jerál atu festa demokrásia labele hamosu konfuzaun kona-ba involvimentu labarik sira iha prosesu festa demokrasia.

Parte seluk, Igreja Protestante, Moderadór Igreja Protestante, Pastór Afonso dos Santos, husu ba governu no órgaun eleitorál sira atu hola meiu oinsá mak labarik sira labele involve iha kampaña eleitorál to’o eleisaun.

Órgaun eleitorál sira presiza halo edukasaun sívika, atu inan aman sira komprende hodi kontrola labarik sira ne’ebé movimenta iha ámbitu kampaña.

Jornalista: Zezito Silva

Editora: Rita Almeida

HUSIK IDA HATÁN