Google Flight Fó Informasaun Kona-ba Presu Billete Aviaun

0
152
Google Flight fó informasaun atrazu ba aviaun. Foto espesial

DILI, (TATOLI) – Google lansa ona rekursu foun liuhosi ninia search engine (site peskiza) ho naran Google Flight ne’ebé bele fó informasaun loloos ba passajeiru sira kona-ba delay (atrazu) aviaun antes kompañia aériu ida fó sai nomós billete aviaun ho prezu baratu.

Sita husi Tech Crunch, Google hetan informasaun kona-ba atrazu aviaun no ninia razaun atrazu la’os liuhosi kompañia aériu maibé ho dadus istóriku no algoritmu ne’ebé nia iha atu halo predisaun antes kompañia aériu ida fó sai informasaun ofisiál no garante akurasia pursentu 80.

Atu hatene informasaun voo ida, tama iha site peskiza Google no halo pezkiza ba Google Flight no bainhira tama ona iha pájina refere mak bele hatama númeru voo, naran aviaun no destinasaun viajen.

Bainhira oráriu ba voo ida la atrazu, Google Flight sei hatudu marka kor matak ida no bainhira iha atrazu sei hatudu marka kor mean.

Informasaun konaba bilete aviaun iha Google Flight. Foto espesial

Nune’e mós, rekursu foun ne’e permite buka informasaun konaba bilhete aviaun ho presu baratu, servisu ne’e sei hatudu oferta diak ba utilizadór.

Entretantu durante ne’e, Google fó ona servisu no ekipamentu ba ambiente negósiu no komunidade, aplikasaun ho baze web, rede publisidade nomós solusaun ba negósiu.

Produtu ne’ebé mak halo kompañia ne’e sai susesu mak ninia aplikasaun peskiza ho naran Google Search ne’ebé hanesan site peskiza di’ak liu tanba bele fó informasaun no rekomendasaun akurada.

Jornalista: Julia Chatarina

Editora: Rita Almeida

HUSIK IDA HATÁN