Frente Ida Mesak Sei La Manán Funu

0
1553
Ministru Estadu no Konseleiru ba Seguransa Nasionál, José Ramos Horta.

MANATUTU, (TATOLI) – Eis Líder Frente Diplomátika atuál Ministru Estadu Konseleiru Seguransa, José Ramos Horta, hateten kuaze luta hotu-hotu iha mundu ne’e sempre manán ho frente rua ka tolu, laiha frente ida maka mes-mesak bele manán funu.

“Frente Diplomátiku mes-mesak la konsege manán, nune’e mós Frente Armada, tanba ne’e rezisténsia pasadu ne’e kontribuisaun populár”, Horta hato’o asuntu ne’e iha Parókia Santu António Manatutu, Munisípiu Manatutu, sesta (16/2) bainhira hatán preokupasaun hosi komunidade ida ne’ebé preokupa kona-ba polémika Frente Armada no Frente Diplomátiku ne’ebé ema iresponsabilidade balun lansa iha públiku.

Nia dehan ema balun ne’ebé lansa propaganda ne’e tanba nervu uitoan no tauk atu lakon iha eleisaun antesipada. Tanba ne’e Horta sujere ko’alia programa para atrai povu duké inventa istória.

Horta haktuir iha primeira reuniaun Konsellu Ministru iha Governu 1975, Primeiru-Ministru, Nicolau dos Reis Lobato, indika nia, Marí Alkatiri no Rogerio Tiago Lobato, ba rai liur hodi mobiliza apoiu internasionál ba Timor nia luta.

Iha rai liur,  haktuir tan destakadu iha Estadu Unidu Amérika, Marí Alkatiri iha Moçambique no Rogerio Lobato móvel hodi mobiliza Movimentu Naun Aliadu, nune’e bele taka dalan ba Indonézia nia diplomasia.

Rezultadu hosi serbisu Frente Diplomátiku, Horta afirma Timor-Leste manán Indonézia iha 1982 bainhira debate no aprova estatutu Timor iha Asembleia Jerál Nasoen Unida, iha ne’ebé partisipa hosi reprezentante nasaun sira hamutuk 100 resin.

Jornalista: Xisto Freitas

Editora: Rita Almeida

HUSIK IDA HATÁN