Estrada Aitutu no Same Vila Prontu Halo Inagurasaun

0
163
Foto espesiál

DILI, (TATOLI) – Diretór kompañia Tinolina,Lda, Agustino Gomes, hateten konstrusaun estrada Aitutu Same no Same Vila prontu ona no ohin mai konvida Primeiru-Ministru hodi halo inagurasaun ba estrada ne’e iha tempu badak.

“Ami nia servisu iha Aitutu Same no Same Vila hotu ona, ohin ami husu Primeiru-Ministru nia tempu atu halo inagurasaun, nune’e liuhosi Xefe Gabinete marka ona ba loron 26 fevereiru atu halo  inagurasaun ba estrada ne’e”, tenik Agustino ba jornalista sira iha Palásiu Governu, ohin.

Kompañia Tinolina,Lda konsege remata obra estrada Aitutu Same ho distansia kilómetru 26 no estrada Same Vila ho distánsia kilómetru 23, maske obra ne’ebé ho durasaun tinan tolu nia laran tenke atraza uitoan tanba problema sosiál ho komunidade sira.

“Loloos ne’e obra ne’e remata iha tinan tolu nia laran maibé atraza uitoan tanba problema sosiál barak, tan ne’e iha fulan jullu kotuk mak foin ami atu hakotu problema sira ne’e no agora foin mak hotu”, katak.

Nia informa tan tan durasaun obra ne’e han tempu, estrada Aitutu Same presiza hadi’a buat kiik balun maibé sei remata iha tempu badak.

Nune’e, ohin ekipa Tinolina,Lda hato’o ona relatóriu ba Xefe Governu kona-ba atrazu durasaun obra estada ne’e problema sosáal sira, ema nia uma, ema nia ai-oan sira ne’ebé presiza tempu atu halo negosiasaun.

Biban ne’e, nia mós esplika kona-ba projetu estrada iha Hudi Laran rai uut barak tanba seidauk konsege tau alkatraun no presiza tau atu tau postu rin ho durasaun obra ne’e fulan neen atu muda ai-riin ne’e no tempu badak tau ona alkatraun.

Jornalista: Julia Chatarina

Editora: Rita Almeida

HUSIK IDA HATÁN