Ema Defisiente iha Diretu Asesu Informasaun

0
85
Sekretáriu Estadu Konsellu Ministru no Komunikasaun Social, Matias Boavida, ko'alia ho ema ho defisiénsia.

DILI (TATOLI)-Sekretáriu Estadu Konsellu Ministru no Komunikasaun Social, Matias Boavida hateten, ema ho defisiénsia matan iha diretu atu asesu informasaun ne’ebé konsagra ona iha konstituisaun RDTL artigu 41.

Governanta ne’e hato’o asuntu ne’e bainhira hala’o vizita ba Asosiasaun halibur defisiente Matan Timor Leste, iha Manleuana, Dili, Segunda ne’e.

Sekretáriu estadu ne’e rekoñese to’o oras ne’e seidauk iha Televizaun Privada no Públiku sira seidauk iha rekursu umanus ne’ebé iha kapasidade hodi halo tradusaun simultáneu ho jestu ba ema ho defisiente tilun no molok iha publikasaun Notísia.

ʺTanba ne’e mak atrai ha’u to’o ita nia fatin hodi hare situasaun ne’e para hare fasilita liuliu RTTL hanesan empreza publika atu bele fahe informasaun ba ema ho kondisaun fíziku di’ak de’it maibé tenke ba mós ema ho defisiente sira,ʺ Matias Boavida hato’o iha Manleuan Dili, Segunda, ohin.

Asosiasaun Halibur defisiente Matan Timor Leste, Gaspar Afonso hateten, ema defisiente barak maka la asesu informasaun kona-ba prosesu dezenvolvimentu.

ʺMaluk sira defisiente tilun, labele rona, labele ko’alia seidauk asesu informasaun tanba laiha ekran ida atu prepara informasaun ba sira.ʺ.

Tuir sensu uma kain 2015 ema rihun 38 resin maka ho kondisaun defisiente, enkuantu defisiente matan hamutuk rihun 24.240. Maibé ho Defisiente matan barak liu iha munisípiu Baukau, kuaze na’in 3.609.

Entretantu konstituisaun RDTL Artigu 41 fó garantia ba ema hotu hodi asesu informasaun.

(Jornalista: Agapito dos Santos)

(Editór : Manuel Pinto)

HUSIK IDA HATÁN