Dezenvolvimentu Lokál, EU Apoiu TL

0
76

DILI (TATOLI) – Jestór Fundu Europeia ba Dezenvolvimentu, Gregório Ferreira da Silva, afirma Komisaun Uniaun Europeia (UE) nia prezensa iha Timor-Leste (TL) importante tebes hodi apoia ba dezenvolvimentu lokál iha Timor-Leste.

“Sorumutu ho Xefe Governu, Mari Alkatiri importante atu diskute kona-ba aspetu desentralizasaun no nesesidade hosi ajente sira iha nivel lokál,” Jestór Fundu Europeia ba Dezenvolvimentu, Gregório Ferreira da Silva esplika ba jornalista sira hafoin hasoru malu ho Primeiru Ministru, Mari Alkatiri iha Palásiu Governu, Segunda (12/02).

Nia esplika, misaun prinsipál Komisaun Europeia nian mak atu haree oinsá mak bele ajuda ba prosesu dezenvolvimentu lokál liuhosi prosesu desentralizasaun no fó asisténsia ba autoridade lokál sira.

Ho ida ne’e mak komisaun Uniaun Europeia durante semana ida ne’e nia laran, hahú ohin halo enkontru ho Primeiru Ministru, Ministru Administrasaun Estatál ho Ministru Planu no Finansa, hafoin ne’e sei realiza workshop (enkontru alargadu) ida iha Otél atu diskute kle’an kona-bá apoiu Union European ba desentralizasaun Timor-Leste.

Objetivu Komisaun hosi Uniaun European halo enkontru ho Ministru Administrasaun Estatál, tanba ministériu Estatál mak sei implementa programa desentralizasaun, enkuantu Ministru Planu no Finansa toma responsabilidade ba orsamentu.

(Jornalista : Zezito Silva)
(Editór : Manuel Pinto)

HUSIK IDA HATÁN