Defisientes Matan Partisipa Formasaun Língua Portuguesa

0
69
Diretór ezekutivu ba Asosiasaun halibur defisiente Matan Timor Leste, Gaspar Afonso , hatudu bulletin votu espesiál ba Sekretáriu Estadu Konsellu Ministru no Komunikasaun Sosiál, Matias Boavida.

DILI (TATOLI)-Ema ho defisiente matan besik haat nulu ne’ebé halibur iha asosiasaun halibur defisientes matan Timor Leste partisipa formasaun língua Portuguesa iha sentru Defisiente Matan Manleuana Dili.

Diretór Asosiasaun Halibur defisiente Matan Timor Leste, Gaspar Afonso hateten, formasaun língua portugeza ne’e hodi kapasita di’ak liután kapasidade defisientes matan iha língua hodi partisipa iha dezenvolvimentu.

ʺHakarak aprende língua Portuguesa tanba partisipa iha dezenvolvimentu rai ida ne’e tanba ne’e maka ami hakarak kapasita ami nia aan,ʺ Gaspar Afonso informa ba Ajénsia Notísias “TATOLI” iha Manleuana, Dili ohin.

Ema defisientes tolu nulu resin no staff asosiasaun ne’e kuaze sanulu maka partisipa kursu ne’e durante fulan neen hahú iha loron 1 Fevereiru no remata iha Jullu 2018. Formadores ba kursu ne’e Timoroan, maibé hetan apoiu finanseira hosi Governu Portugal liuhosi ninia Embaixada iha Timor Leste ho montante $ 4.913.

ʺEmbaixada Portugal liuhosi institutu cameos ho fundus ki’ik,ʺ nia dehan tan.

(Jornalista Agapito dos Santos)

(Editór : Manuel Pinto)

HUSIK IDA HATÁN