CNE no STAE Propoin Data Eleisaun 12 Maiu

0
1004
Prezidente Komisaun Nasionál Eleisaun, Alcino Barris.

DILI (TATOLI)—Prezidente Komisaun Nasionál Eleisaun (CNE-sigla Portugés), Alcino Barris hateten CNE no Sekretariadu Tékniku Administrasaun Eleitorál (STAE) propoin data ideal ba eleisaun antesipada maka 12 Maiu.

“Prezidente Repúblika husu órgaun eleitorál rua (CNE no STAE) atu marka data ideal ba eleisaun antesipada. Proposta ideal hosi CNE no STAE ba loron eleisaun maka 12 Maiu,” Alcino hato’o informasaun ne’e ba jornalista sira iha Palásiu Prezidente Nicolau Lobato, Bairru Pité, Dili, kuarta ne’e, hafoin hamutuk ho reprezentante partidu polítiku sira hala’o enkontru ho Prezidente Repúblika, Francisco Guterres Lú Olo, kona-ba kalendáriu eleisaun.

Nia haktuir  Prezidente Repúblika tau iha konsiderasaun proposta kalendáriu eleisaun refere, maibé Prezidente iha direitu prerogativu deside hodi mantein data ne’e nó mós eskolla data seluk.

Alcino hatutan data ne’ebé sira aprezenta ne’e ideal tanba fó espasu ba órgaun eleitorál atu reajusta ho nesesidade ne’ebé atu atende eleisaun antesipada no haree mós prosedimentu legal.

(Jornalista: Xisto Freitas)

(Editór : Manuel Pinto)

HUSIK IDA HATÁN