Bispu Dili Husu Krismandu 182 Atu Hakle’an Fiar

0
34
Bispu Dioseze Dili, Don Virgilio do Carmo da Silva SDB, fó sinál kruz ba krismandu iha Igreja Saun José Ai-mutin. Foto FB Rui Manuel Hanjam

DILI, (TATOLI) – Bispu Dioseze Dili, Don Virgilio do Carmo da Silva SDB, husu ba krismandu 182 ne’ebé simu sakramentu krisma iha Igreja Saun José Ai-mutin kuarta ne’e, atu hakle’an fiar nu’udar sarani.

ʺIta la’ós presiza de’it kuantidade maibé kualidade, tanba ne’e sarani sira tenke hakle’an sira nia fiar liuhosi katekeze no formasaun sira bainhira atu simu sakramentu batismu, eukaristia, krisma no seluk tanʺ, amu haktuir iha nia omilia.

Hatutan katak sakramentu krisma hanesan simu espiritu santu hodi revova hikas fiar sarani Katólika. Bainhira fiar sarani Katólika metin sei evita atu muda ba relijiaun seluk ne’ebé oras ne’e buras iha rai-laran.

ʺSarani barak maka muda ba relijiaun seluk tanba seidauk hatene kle’an loloos ninia fiar nu’udar sarani Katólika, tanba ne’e katekeze importanteʺ, tenik.

Padre Paróku Saun José Ai-Mutin, Emanuel Lelo Talok, hateten formasaun ba krismandu sira la’o durante tinan ida molok simu sakramentu krisma.

Jornalista: Agapito dos Santos

Editora: Rita Almeida

HUSIK IDA HATÁN