Banku Tolu Konfirmadu Atu Partisipa Iha Eskema Garantia Kréditu

0
258
Governadór BSTL, Abraão de Vasconcelos. Foto Antonio Goncalves

DILI, (TATOLI) – Governadór Banku Sentrál Timor-Leste (BSTL), Abraão de Vasconcelos, hatete banku tolu mak konfirmadu ona atu partisipa iha eskema garantia kréditu.

“Banku Sentrál simu konfirmasaun iha banku tolu mak prepradu hakarak partisipa iha eskema ida ne’e”, Abraão hatete iha Novu Turizmu, ohin.

Sobre banku tolu ne’ebé partisipa ne’e, Governadór lafó sai tanba bainhira atu hahú operasionaliza mak dehan sai banku sira ne’e.

“Ajustamentu ne’e nesesáriu no Banku Sentrál hakarak fó tempu sufisiente ba banku sira, tanba eskema ida ne’e foin hahú no Banku Sentrál hakarak para ita kuidadu bainhira nia operasionaliza ita laiha ona problema hanesan ita hakfodak fali, uluk ita halo tiha ida ne’e karik di’ak”, Abraão hatete.

Tanba ne’e BSTL hakarak hotu-hotu entende loloos eskema ida ne’e no ajusta iha sira-nia prosedimentu internu banku sira ne’ebé mak atu implementa.

Entantu iha tempu sestu Governu Konstitusionál nian bainhira Ministru Estadu no Ministru Agrikultura no Peska, Estanislau Aleixo da Silva, sei asume pasta nu’udar Ministru Estadu, Koordenadór Asuntu Ekonómiku  no Ministru Agrikultura no Peska, informa katak iha banku tolu http://www.tatoli.tl/2017/08/banku-tolu-prontu-loke-kreditu-liuhusi-sistema-garantia-bankaria/ ne’ebé mak prontu atu loké kréditu liuhusi eskema ida ne’e mak Banku Nasionál Komérsiu Timor-Leste (BNCTL), Caixa Geral Depósito no Banku Mandiri.

Ba eskema garantia kréditu  ida ne’e, iha sestu Governu Konstitusionál prevé millaun U$4 liuhusi Orsamentu Jerál Estadu 2017 nian atu apoiu liután empreza ki’ik no médiu liuliu iha setór importante atu apoia ekonomia  nasionál.

Jornalista: Maria Auxiliadora

Editora: Rita Almeida

Notísia ne’ebé ralasiona :

http://www.tatoli.tl/2017/08/governu-preve-millaun-u4-ba-eskema-garantia-kreditu/

HUSIK IDA HATÁN