Autoridade Lokál Husu Fahe Pursentu Rikusoin Suku

0
109
Primeiru-Ministru, Marí Alkatiri, bainhira hatan preokupasaun komunidade Kovalima iha atividade konsultasaun programa governu dahituk nian iha salaun administasaun munísipiu Kovalima, ohin. Foto GPM

KOVALIMA, (TATOLI) – Autoridade lokál sira hosi munisípiu Kovalima lamenta ho kompaña sira ne’ebé halo atividade empreza hanesan suru rai henek no ke’e fatuk iha sira nia suku laran maibé la fó pursentu ba suku.
“Rikusoin suku nian ne’e loloos suku tenke hetan pursentu, nune’e ami bele dezenvolve ami nia Suku” Xefe Suku Zulo, postu administrativu Zumalai, munisípiu Kovalima, João de Carvalho, levanta kestaun ne’e iha aprezentasaun Programa Sétimu Governu Konstitusionál ne’ebé hala’o hosi Primeiru-Ministru, Marí Alkatiri, ho membru governu sira iha salaun administrasaun Kovalima, postu administrativu Suai Vila, munisípiu Kovalima, sesta ne’e.

Nia husu ba Governu atu defini regulamentu ida nune’e fasilita suku sira atu hetan nia direitu rikusoin ne’ebé kompaña sira esplora.

Iha biban ne’e, PM hateten konkorda ho Xefe Suku sira nia hanoin.

“Tenke defini rekursu suku ninian ne’e benefísiu ba xefe suku ka ba suku. Se pursentu hosi rekursu ne’e atu dezenvolve suku (edukasaun, dada bee-moos no selu-seluk tan), ne’e ha’u konkorda”, nia dehan.

Nia dehan rikusoin iha suku laran ne’e pursentu balun tenke hela ba suku no Xefe Governu promete sei haree kestaun ne’e.

Jornalista: Xisto Freitas

Editora: Rita Almeida

HUSIK IDA HATÁN