AMP Legaliza Koligasaun Iha CNE

0
565
Xefe Bankada CNRT, Arão Noé. Foto Antonio Goncalves

DILI, (TATOLI) – Aliansa Mudansa ba Progressu (AMP) ne’ebé mak sai pakote úniku iha Eleisaun Antesipada kompostu husi partidu Kongreseu Nasionál Rekonstrusaun Timor (CNRT-sigla portugés), Partidu Libertasaun Populár (PLP) no Kmanek Haburas Unidade Nasionál Timor Oan (KHUNTO), rejista iha Komisaun Nasionál Eleisaun (CNE-sigla portugés) no prenxe ona kritéria hanesan partidu koligasaun.

“Horisehk ami ba konsulta ba Tribunál Rekursu (TR), foin hatene loloos katak atu rejista partidu polítiku (ParPol) ba koligasaun pre-eleitorál tenke rejista liuhosi CNE, dokumentu ami aprezenta no priense hotu laiha ida falta, tanb ne’e mak CNE simu ami nia dokumentu”, tenik deputadu bankada CNRT komisaun permanente, Arão Noe, ba jornalista sira iha sala bankada Parlamentu Nasionál (PN), ohin.

Hodi dehan tan tuir lei eleitorál saida mak ezije ba ParPol sira atu halo koligasaun mak  tenke halo konferénsia no aprova no autoriza atu partidu ne’ebé halo koligasaun asina akordu konjunta ba formasaun bloku AMP, ida ne’e mak halo hotu ona.

Akresenta tan, mesmu prenxe ona kritéria maibé presiza kompleta dokumentu ida konaba ParPol ne’ebé hakarak fó apoiu ba AMP.

Tuir nia ParPol sira ne’ebé fó apoiu ba AMP tanba lakohi lakon ezisténsia nu’udar partidu no votus iha eleisaun tuir mai tanba konsidera eleisaun ne’e hanesan espesífiku no akontese iha tempu badak.

Entretantu, iha loron 29 janeiru iha sede APMT, Kampung Alor ParPol ne’ebé halibur malu iha Forum Demokrátiku Nasionál (FDN) deklara atu fó apóiu ba AMP.

FDN kompostu husi Bloku Unidade Populár (BUP-kompostu husi PMD, PDRT no PLPA), PST, PSD, MLPM, PDC, APMT no PDP.

Entretantu dokumentu koligasaun partidária identifikasaun ba reprezentante mak Arão Noe hanesan reprezentante koligasaun, José Agustinho da Silva hanesan Sektretáriu Jerál koligasaun partidária no Fidelis Magalhães hanesan Prezidente koligasaun partidária.

Partidu CNRT, PLP no KHUNTO asina memorandu sai pakote úniku iha loron 1 fulan-fevereiru liuba.

Iha loron 22 fevereiru, CNRT, PLP no KHUNTO halo konfereinsia ida-idak hafoin iha tuku 15.00 iha CCD, halo konferénsia hodi hamosu deklarasaun konjunta ba koligasaun.

Jornalista: Julia Chatarina

Editora: Rita Almeida

HUSIK IDA HATÁN